Жиззахда IELTS бўйича фирибгарлик аниқланди
Фуқаро пул эвазига мазкур сертификатни олиб бермоқчи бўлган.
Жиззах вилоятида IELTS ёки CEFR сертификатларидан бирини олиб беришни ваъда қилган фирибгар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Қайд этилишича, Зомин туманида ўтказилган тезкор тадбирда фуқаро С.М. фуқаро Ю.Қ.га танишлари ёрдамида IELTS ёки CEFR сертификатларидан бирини олиб бериш эвазига 3 000 АҚШ долларини олган вақтда ашёвий далиллар билан қўлга тушган.
Мазкур ҳолат юзасидан Жиноят кодексининг 25, 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
