Нукусдаги бозорда ёнғин юз берди
Уни ўчириш учун 9 та ёнғин-қутқарув экипажи юборилган.
Бугун, 30 май куни Қорақалпоғистон Республикасининг Нукус шаҳридаги бозорда ёнғин содир бўли. Ҳолат юзасидан Республика ФВВ маълумот берди.
Қайд этилишича, соат 15:50 да Нукус шаҳри «Амударё» МФЙда жойлашган “Нукус деҳқон бозори” АЖга қарашли очиқ майдонда қурилишда фойдаланишга мўлжалланган қамиш ва ҳашак пресслари ёнаётганлиги тўғрисида ФВБга хабар тушган.
Зудлик билан ҳодиса жойига ёнғин-қутқарувчилар етиб борган ва ёнғин соат 18:30 да бартараф этилди. Ёнғинни ўчиришга 9 та ёнғин-қутқарув экипажи жалб этилди. Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
