Фарғонада коллеж ходими пора билан қўлга тушди
Ҳозирда унга нисбатан жиноят иши очилган.
Фарғона вилоятининг Риштон туманида коллежга ўқишга киритиб қўйишни ваъда қилган бўлим бошлиғи ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Қайд этилишича, Бағдод педагогика коллежи бўлим бошлиғи Д.К. фуқаролар Ш.Х. ва М.Р.ни ушбу коллежга ўқишга киритиб қўйиш эвазига 400 АҚШ долларини олган вақтида ашёвий далиллар билан қўлга тушган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
