Тошкентда Cobalt 3 кишини уриб юборди
Ҳодиса оқибатида бир киши вафот этган.
Тошкент шаҳрининг Бектемир туманида 28 май куни одам ўлими билан боғлиқ йўл-транспорт ҳодисаси содир бўлди. Бу ҳақда шаҳар ИИББ ахборот хизмати хабар бермоқда.
Автоҳалокат соат 21:30 ларда Бектемир тумани Бектемир йўли кўчасида юз берган. 1996 йилда туғилган ҳайдовчи Ш.М. Cobalt русумли автомашинани бошқариб кетаётиб, йўл четида ҳаракатсиз тўхтаб турган Ваз-2105 русумли автомашина билан тўқнашган. Шундан сўнг бошқарувни йўқотиб, йўл четидан ҳаракатланиб кетаётган 3 нафар пиёдаларни уриб юборган.
ЙТҲ оқибатида 2 нафар пиёда ҳамда Cobalt ҳайдовчисига тан жароҳати олганлиги сабабли тиббий ёрдам кўрсатилган. Бироқ 1997 йилда туғилган пиёда A.X. олган тан жароҳатлари сабабли касалхонада вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган. Тергов давом этмоқда.
