Туркиядан Германияга учаётган аёл адашиб Москвага келиб қолди
Эндиликда аёл авиакомпаниядан товон пули олмоқчи.
Германиялик кекса аёл 10 кунлик таътилни Туркиянинг Анталия шаҳрида ўтказди ва уйига қайтаётганида нотўғри рейсга чиқиб, Москвага келиб қолди.
«Етмиш ёшли аёл Анталияда ўн кунлик таътилдан сўнг самолётга чиқди. Лекин у режалаштирилганидек Мюнхенга эмас, Москвага етиб келди», — дейилади хабарда.
Маълумотларга кўра, 26 май куни аёл Мюнхенга қайтаётганида у навбат кутаётганда самолётга чиқиш йўлаги бошқасига кўчирилган. Натижада немис аёли адашиб, Москвага учиш учун навбатда турган. Шундан сўнг Россия пойтахтига келган аёл Туркияга қайтиш чиптасини расмийлаштиргунча бир неча соат кутган. Натижада Истанбул аеропортида тунни «скамейка»да ўтказган аёл эрталаб Мюнхенга парвозни муваффақиятли амалга оширган.
Аёл йўлда умумий 30 соат вақт ўтказади ва бошқа рейсга чиқишига рухсат бергани учун Turkish Airlines компаниясидан товон пули талаб қилмоқчи.
