Байденинг қайта сайланиш имконияти юқори — Олаф Шольц
Германия канцлери АҚШдаги президентлик сайлови ҳақида гапирди.
Германия канцлери Олаф Шольц АҚШ президенти Жо Байденнинг ўз лавозимига қайта сайланиш имконияти яхши эканини таъкидлаб, АҚШнинг ҳозирги раҳбарияти даврида трансатлантик ҳамкорлик ривожини юқори баҳолади.
“Менимча, президент Байден қайта сайланиш учун яхши имкониятга эга”, — деди Шольц Европа форумида.
Шу билан бирга, канцлер Германия ҳар қандай АҚШ ҳукумати билан ҳамкорлик қилишга тайёр бўлиши кераклигини таъкидлади.
“Мен АҚШнинг амалдаги президенти билан жуда яқин трансатлантик ҳамкорликка эга эканлигимизга ишонаман. Менимча, бу оддий нарса эмас, балки шу пайтгача эришган катта муваффақиятимиз”, — дея қўшимча қилган у.
АҚШда президентлик сайлови 2024 йилнинг ноябрига белгиланган.
