Фарғонада Италия фуқароси ЙТҲ оқибатида вафот этди
Nexia-2 ҳайдовчиси велосипед бошқариб кетаётган италиялик аёлни уриб юборган.
Фарғона вилоятининг Олтиариқ туманида 2 июнь куни соат 10:10 лар атрофида содир бўлган ЙТҲ оқибатида Италия фуқароси вафот этди. Бу ҳақда Ички ишлар вазирлиги матбуот хизматига асосланиб, «Газета.uz» хабар бермоқда.
Аниқланишича, вилоятнинг Олтиариқ туманидан ўтувчи автомобил йўлида Бағдод вилоятида яшовчи, 2002 йилда туғилган Nexia-2 ҳайдовчиси велосипед ҳайдаб кетаётган 67 ёшли чет эллик аёлни уриб юборган.
Оқибатда кўрсатилган тиббий ёрдамга қарамай, Италия фуқароси касалхонада вафот этган. Ҳозирда мазкур ҳолат юзасидан Жиноят кодексининг тегишли моддалари билан жиноят иши қўзғатилиб, дастлабки суриштирув ишлари олиб борилмоқда.
