Қурбон ҳайитида ўзбекистонликлар неча кун дам олиши маълум бўлди

 

Uzbekistan Airways миллий авиакомпанияси матбуот хизматининг маълум қилишича, жорий йил 8 июнидан бошлаб авиакомпания Қурбон ҳайитини нишонлаш кунлари — 28 июндан 2 июлга қадар амалга оширилиши режалаштирилган ички рейсларда барча авиачипталарга 50 фоизлик чегирма тақдим этмоқда.

 

Аввалроқ, 2023 йилда республикада Қурбон ҳайитини нишонлашнинг энг эҳтимолий санаси 28 июн эканлиги хабар қилинган эди.

 

Ўтган йилнинг декабр ойида президент расмий саналарни нишонлаш даврида қўшимча ишланмайдиган кунларни белгилаш ва 2023 йилда дам олиш кунларини кўчириш тўғрисидаги фармонни имзолаган эди. Давлат раҳбари жорий йилнинг 20 апрел куни янги фармони билан юқоридаги ҳужжатга ўзгартиришлар киритди. Янги фармонга кўра, иш ҳафтаси туридан қатъи назар, 30 июн (жума) барча ходимлар учун қўшимча дам олиш куни деб эълон қилинди.

 

Бундан ташқари, 6 кунлик иш ҳафтасига эга бўлган ишчилар учун 1 июл (шанба) қўшимча дам олиш куни бўлади.

 

Юқоридаги маълумотларга асосланиб, Ўзбекистон аҳолиси Қурбон ҳайитида кетма-кет камида уч кун дам олади, деган хулосага келиш мумкин:

 

• 2023 йил 30 июн (жума) - иш ҳафтаси туридан қатъи назар, барча ходимлар учун қўшимча дам олиш куни;

 

• 2023 йил 1 июл (шанба) - 6 кунлик иш ҳафтаси бўлган ходимлар учун қўшимча дам олиш куни;

 

• 2023 йил 2 июл (якшанба) тақвим бўйича дам олиш куни ҳисобланади.

 

Аммо Қурбон ҳайити 29 июн (пайшанба) куни нишонланадиган бўлса, ўзбекистонликлар тўрт кун, агар 28 июн куни бўлса - кетма-кет беш кун дам олишади.