Саудия Арабистони Ўзбекистонга 25 тонна хурмо совға қилди
Саудия Арабистонининг Ўзбекистондаги элчиси хурмо маҳсулотларини Ўзбекистон ҳукуматига топширган.
Саудия Арабистони подшоҳлиги томонидан Ўзбекистонга хурмо маҳсулотлари совға сифатида тақдим этилди. Бу ҳақда подшоҳликнинг Тошкент шаҳридаги элчихонаси асосланиб, «Kun.uz» хабар берди.
Маълум қилинишича, Саудия Арабистонининг Ўзбекистондаги элчиси Юсуф ал–Утайбий подшоҳ Салмон номидаги ёрдам ва инсонпарварлик ишлари маркази вакиллари билан ҳамкорликда 6 июнь куни Икки муқаддас масжид ходими Саудия Арабистони қироли Салмон бин Абдулазиз Ол Сауднинг совғасини – 25 тонна хурмони Ўзбекистон ҳукуматига, Ўзбекистон мусулмонлар идорасига, «Вақф» хайрия жамоат фондига ҳамда Дин ишлари бўйича қўмитага топширган.
