Юнусобод деҳқон бозорида дўкон ва дорихона ёниб кетди — видео
Кеча Қаршидаги бозорда ёнғин чиққанди. Шунингдек, Қашқадарёда омбор ёниб кетганди.
ФВВ Юнусобод туманида содир бўлган ёнғин тўғрисида маълумот берди.
Бугун, 8 июнь куни соат 12:50 да Тошкент шаҳар Юнусобод тумани A.Temur кўчасида жойлашган дўкон ва дорихонада ёнғин содир бўлганлиги тўғрисида шаҳар ФВБга хабар тушган.
Шунга кўра, 5 та ёнғин-қутқарув экипажи соат 12:58 да воқеа жойига етиб бориб, ёнғин соат 13:04 да ўраб олинган ва соат 13:09 да ўчирилган.
Ёнғин натижасида дастлабки маълумотларга кўра дўкон ва дорихонанинг тахминан 80 kv.m. майдонда олд томон алкапон қисми ёниб зарарланган.
Ҳодиса оқибатида тан жароҳати олган ва ҳалок бўлганлар йўқ.
Ёнғин сабаби ва моддий зарар миқдори аниқланмоқда.
Эслатиб ўтамиз, кеча Қаршидаги бозорда ёнғин чиққанди. Шунингдек, Қашқадарёда омбор ёниб кетганди.
