Марғилондаги дўконда ёнғин юз берди
Ҳолат бўйича ФВБ маълумот берди.
Бугун, 11 июнь куни Фарғона вилоятининг Марғилон шаҳридаги дўконлардан бирида ёнғин содир бўлди. Ҳолат юзасидан вилоят Фавқулодда вазиятлар бошқармаси маълумот берди.
Қайд этилишича, соат 10:58 да Марғилон шаҳар «Ёрқин» МФЙ ҳудудида жойлашган савдо дўконининг 2-қаватинининг 86 квадрат метр майдонда ички қисмида ёнғин содир бўлган.
Ёнғин қутқарувчилар ёнғинга 11:00 да етиб бориб, 11:02 да ўраб олиниб, 11:16 да ўчирилган. Ёнғиндан дўконнинг 500 квадрат метр майдони сақлаб қолинган.
Ҳозирда ёнғиннинг сабаби ва зарари аниқланмоқда. Ёнғин натижасида жабрланганлар ва ҳалок бўлганлар йўқ.
