Шахсий томорқа эгалари солиқ тўлаб, иш стажига эга бўлиши мумкин
Қарор билан ер участкаси ва ҳайвонлар сонига қўйилган талаблар бекор қилинди.
Президент томонидан имзоланган қарор билан айрим қонун ҳужжатларига норасмий бандликни қисқартиришга қаратилган ўзгартишлар ва қўшимча киритилди.
Маълум қилинишича, солиқ кодексига киритилган ўзгартиш ва қўшимчага кўра, шахсий томорқасида банд бўлган ёки мазкур майдонда, иссиқхона, паррандачилик, қуёнчилик, асаларичилик, балиқчилик, боғдорчилик, лимончилик, гулчилик билан шуғулланаётган томорқа ер эгалари ёки уларнинг оила аъзолари ернинг майдони ёки ҳайвон ва парранда сонидан қатъи назар ўзларига меҳнат стажини ҳисоблаши учун ихтиёрий равишда ижтимоий солиқ тўлаши мумкин.
Илгари ер майдонининг ҳажми 0,04 гектар, қорамол ёки 50 бош парранда бўлса ижтимоий солиқ тўлашга рухсат берилган бўлса, эндиликда ер участкаси ва ҳайвонлар сонига қўйилган талаблар «Томорқа хўжалиги тўғрисида»ги қонундан чиқариб ташланди.
