Qatar Airways Доҳадан Тошкентга мунтазам парвозларни бошлайди
Ҳозирда Qatar Airways Доҳа – Тошкент – Доҳа йўналишида авиақатновларни амалга ошириш бўйича компания ички тартибларини ишлаб чиқмоқда.
Транспорт вазири Илхом Махкамов 23 июнь куни Қатар давлатининг Ўзбекистондаги Фавқулодда ва Мухтор элчиси Ҳасан Ҳамза Асад Муҳаммад Ҳошим билан учрашди.
Учрашувда томонлар икки мамлакат ўртасида мунтазам авиақатновларни йўлга қўйиш масаласини муҳокама этишди. Элчи жаноблари Qatar Airways авиакомпанияси Доҳа – Тошкент – Доҳа йўналишида авиақатновларни амалга ошириш бўйича компания ички тартибларини ишлаб чиқаётганини маълум қилди.
Томонлар ушбу жараёнлар якунлангач, парвозларни амалга ошириш бўйича мавжуд талаб ва қоидалар юзасидан музокаралар ўтказишга келишиб олди.
