Темир йўл транспортида қанча йўловчи ташилгани очиқланди
Ўзбекистонда 2023 йилда темир йўл орқали йўловчи ташиш 113,5 фоизга ошган.
Транспорт вазирлиги маълумотларига кўра, республика бўйича 2023 йилнинг ўтган 5 ойи давомида (январь–май) темир йўл транспортида 4,1 млн нафар йўловчи ташилди.
Қайд этилишича, ўтган йилнинг мос даврига нисбатан ўсиш суръати 113,5 фоизни ташкил этди. Мамлакатда 2022 йилнинг январь-май ойларида темир йўл орқали 3,6 млн нафар йўловчи ташилган.
Бундан ташқари, республика бўйича январь-май ойлари давомида темир йўл транспорти орқали 45,1 млн тонна юк ташилган. Юк ташувлари ҳажми бўйича ўсиш суръати ўтган йил билан солиштирилганда 109,6 фоизни ташкил этди.
