Ўзбекистонда байрам кунлари тиббиёт муассасалари 24 соат ишлайди
Республика бўйича 40 минг нафардан зиёд тиббиёт ходимлари навбатчилик асосида аҳолига хизмат кўрсатади
Ўзбекистонда 28 июндан 2 июлга қадар тиббиёт муассасалари тун-у кун ишлайди. Бу ҳақда Соғлиқни сақлаш вазирлигии матбуот хизмати хабар берди.
Қайд этилишича, ушбу дам олиш кунларида қуйидаги даволаш-профилактика муассасаларининг 40 минг нафардан зиёд тиббиёт ходимлари навбатчилик асосида аҳолига хизмат кўрсатади:
- 1267 та кўп тармоқли ва оилавий поликлиника,
- 1080 та оилавий шифокор пункти,
- 1002 та маҳалла тиббиёт пункти,
- туман, вилоят ва республика шифохоналари,
- ихтисослаштирилган тиббиёт марказлари,
- тиббиёт олий ўқув юртлари клиникалари.
Шунингдек, Республика шошилинч тиббий ёрдам илмий маркази, унинг ҳудудлардаги 13 та филиали, туманлардаги 181 та шошилинч тиббий ёрдам қабул бўлими ҳамда туманлараро қўшма шикастланишлар ва ўткир қон-томир касалликлари марказларида 24 соат давомида навбатчи шифокор ва ҳамширалар фаолият юритади.
Бундан ташқари, Ўзбекистон бўйича 2755 та тез тиббий ёрдам бригадаси аҳолидан бўладиган чақириқлар асосида 24 соат хизмат кўрсатади. Шу билан бирга, 27 та туғуруқ, 245 та болалар даволаш муассасаcи ҳам узлуксиз иш олиб боради.
