Си Цзиньпин Путинни Украинада ядро қуролидан фойдаланишдан огоҳлантирди
Хитой ўз манфаатларини кўзлаб ушбу ишга қўл урган.
Хитой раҳбари Си Сзинпин шахсан Владимир Путинни Украинада ядро қуролидан фойдаланиш Россия учун ёмон оқибатларга олиб келишидан огоҳлантирди. Бу ХХР раисининг март ойида Москвага ташрифи чоғида содир бўлди, деб ёзади Financial Times Ғарб ва Хитой расмийлари ўртасидаги манбаларга таяниб.
Шундан сўнг, FT суҳбатдошларининг сўзларига кўра, Хитой расмийлари бошқа давлатлар дипломатлари билан суҳбатда Москванинг ядровий таҳдидлардан воз кечишини ютуқ деб атай бошлаган. Бу Пекинга Европа билан муносабатларни тиклашга ёрдам беради.
Эслатиб ўтамиз, Владимир Путин Украинага бостириб кирганидан уч кун ўтиб, тўхтатувчи кучларни махсус шай ҳолатга келтиришни буюрган эди. Гап бошқа нарсалар қаторида, ядровий кучларнинг тайёргарлигини ошириш ҳақида эди.
Бундан ташқари, 2023 йил март ойида Путин Беларусда тактик ядро қуролларини жойлаштириш режасини ҳам эълон қилди .
