Путин Давлат Думасига Ўзбекистонга оид битимни ратификация қилиш ҳақидаги қонунни тақдим этди
Ҳужжат Самарқандда иккала давлат бош вазирларининг учрашувида имзоланган эди
Россия президенти Владимир Путин Давлат Думасига Ўзбекистон билан икки давлат божхона хизматлари ваколатхоналарини очиш тўғрисидаги ҳукумат битимини ратификация қилиш ҳақидаги қонун лойиҳасини тақдим этди.
Ваколатхонага божхона ҳамкорлигини ривожлантиришга кўмаклашиш, тармоқ хизматларининг қарорларини мувофиқлаштиришда иштирок этиш, ахборот алмашиш каби вазифалар юкланган.
Маълумот учун, ҳужжат ўтган йилнинг декабрь ойи бошида иккала ҳукумат бошлиқлари учрашувида Самарқандда имзоланган эди.
