Қозоғистон ва Ўзбекистон давлат чегарасини демаркация қилиш жараёнини якунлади
Демаркация ҳужжатининг ҳажми 8 минг саҳифадан ошади.
Қозоғистон ва Ўзбекистон ўртасидаги давлат чегарасини демаркация қилиш жараёни якунланди. Бу ҳақда Қозоғистон Ташқи ишлар вазирлиги расмий вакили Айбек Смадияров маълум қилди, деб хабар берди Zakon.kz
Айбек Смадияровнинг қўшимча қилишича, тегишли келишув икки давлат раҳбарлари томонидан 2022 йил 22 декабрь куни Тошкент шаҳрида имзоланган ва у икки давлат парламентлари томонидан ратификация қилинган.
«Ушбу келишувнинг кучга кириши Қозоғистон ва Ўзбекистон ўртасидаги давлат чегарасини демаркация қилиш бўйича 19 йиллик жараён тўлиқ якунланганини англатади», — деди Қозоғистон ТИВ расмий вакили.
Шунингдек, Қозоғистон ТИВ вакилининг сўзларига кўра, 2357 километрлик чегара 1301 чегара белгиси билан белгиланган ва битта демаркация ҳужжатида акс эттирилган, унинг ҳажми 8000 саҳифадан ошади.
