Жанубий Кореяда сув тошқинлари оқибатида жабрланганлар орасида Ўзбекистон фуқаролари йўқлиги маълум қилинди
Мамлакатда сув тошқинлари оқибатида кўплаб инсонлар ҳалок бўлди
Жанубий Кореяда кучли ёмғирлар оқибатида ҳалок бўлганлар ва жабрланганлар орасида Ўзбекистон фуқаролари йўқ, дея хабар бермоқда «Дунё» АА.
Жанубий Кореяда кучли ёмғир сабабли юзага келган сув тошқинлари ва кўчкилар оқибатида камида 32 киши ҳалок бўлди, 10 нафардан ортиқ инсон бедарак йўқолди ҳамда минглаб одамлар ўз уйларини тарк этишга маҳбур бўлди.
Ўзбекистоннинг Сеулдаги элчихонасига кўра, ҳалок бўлганлар ва жароҳатланганлар орасида Ўзбекистон фуқаролари йўқ. Вазият Ўзбекистон дипломатлари назорати остида эканлиги айтилган.
