0
Қашқадарёда тожик кавраги ўсимлигига зарар етказилди
Ўзбекистон Қизил китобига киритилган ўсимликнинг илдиз қисмлари кавланиши оқибатида табиатга 372 млн сўм зарар етказилган.
Экология, атроф-муҳитни муҳофаза қилиш ва иқлим ўзгариши вазирлигининг хабар беришича, Қашқадарё вилояти, Деҳқонобод туманида туман Экология бўлими ишчи гуруҳи томонидан тезкор рейд тадбири ўтказилди.
Рейд давомида «Себатли» массиви ҳудудида тадбиркорлик субъекти томонидан 753 туп тожик кавраги ўсимлигига зарар етказилганлиги, илдиз қисмлари кавланиб, кесилганлиги аниқланди.
Оқибатда ўсимлик дунёсига жами 372 миллион 735 минг сўм зарар етказилган. Ҳозирда ҳолат юзасидан тегишли ҳужжатлар тўпланиб, прокуратурага юборилди.
Маълумот учун, тожик кавраги Ўзбекистон Қизил китобига киритилган.
