Тошкент метросидан шубҳали буюм топилди
Буюмда портловчи модда бор ёки йўқлигини аниқлаш учун махсус хизматлар чақирилган
ИИВ Транспорт ва туризм объектларида хавфсизликни таъминлаш департаментининг хабар беришича, 20 июль куни Тошкент метрополитенида қолдириб кетилган шубҳали буюм топилган.
Натижада белгиланган йўриқномага мувофиқ номаълум буюмда портловчи мосламалар бор ёки йўқлигини текшириш учун ИИВ UKSO ходимлари гуруҳи чақирилган.
Буюм текшириб кўрилганда ундан портловчи мослама топилмаган.
Қайд этилишича, буюмни метро бекатига ташлаб кетган фуқаронинг шахсига аниқлик киритилиб, билан суҳбатдан сўнг далолатнома тузилиб, ашёлар эгасига қайтарилган.
