Ўзбекистонда ўтган 6 ой давомида 200 минг гектарга яқин ер майдонлари захирага қайтарилди
Шунингдек, 2 391 гектар ерлар ўзбошимчалик билан эгаллаб олингани аниқланди
АОКАда ўтказилган матбуот анжуманида Кадастр агентлиги ва Давлат кадастрлар палатаси раҳбариятининг маълум қилишича, 2023 йилнинг ўтган олти ойи давомида 6 213 та ҳолатда 2 391 гектар ер майдонлари ўзбошимчалик билан эгаллаб олингани аниқланган.
Шундан:
-
2546 та (671 гектар, 41 фоиз) қонунбузарлик ҳолатлари берилган ёзма кўрсатмалар натижасида ихтиёрий бартараф этилди;
-
1 810 та (922,3 гектар) ҳолатда ўзбошимчалик билан эгалланган ерларни қайтариш ва уларда қурилган иморатларни буздириш бўйич судларга даъво аризалари киритилди;
-
жиноят аломатлари аниқланган 334 та ҳолатда (57,2 гектар) тўпланган материаллар прокуратурага юборилди.
Республика бўйича ер участкаларидан мақсадсиз фойдаланиш билан боғлиқ 484 та (3 380 гектар) ҳолат аниқланиб, ушбу ерларга бўлган ҳуқуқни бекор қилиш юзасидан ҳокимликларга 455 та (3 369 гектар) тақдимнома ва судларга 29 та (11,0 гектар) ариза киритилган.
Бундан ташқари, 1 июль ҳолатига кўра, ҳокимликлар қарорига асосан 198 500 гектар ерлар давлатзахирасига қайтарилган.
