Саудия клубларига 2030 йилгача трансферлар учун 19,7 миллиард евро ажратди
Ҳар йили харидлар учун 2,5 миллиард евро сарфланади.
Саудия Арабистони 2030-йилгача трансферлар учун сарфлаши мумкин бўлган маблағ миқдорини маълум қилди. Журналист Бен Жейкобснинг сўзларига кўра, Саудия Арабистони Спорт вазирлиги маҳаллий клубларга 2030 йилгача трансферлар учун 17 миллиард фунт стерлинг (19,7 миллиард евро) берган. Бу ҳар йили харидлар учун тахминан 2,5 миллиард евро сарфлаш имконини беради.
Килиан Мбаппенинг трансфери ёз бошида буджетда кўзда тутилмаган эди, аммо Саудия раҳбарлари ва «Ал-Ҳилол» уни қўлга киритиш имконияти пайдо бўлиши мумкинлигини билишган ва бундай вазиятга тайёргарлик кўришган. Лионел Месси билан музокаралардаги муваффақиясизликдан сўнг, «Ал–Ҳилол» катта юлдузни қўлга киритишни мақсад қилган. Бу клуб учун муҳим вазифа. Бу ёзда «Ал-Ҳилол» Неймар ва Лука Модричнинг трансфер имкониятларини ҳам ўрганиб чиқди. Клубнинг 2024 йилдаги мақсади - Роберт Левандовски. Аммо ҳозирча «Барселона» ҳужумчиси Саудия Арабистонига ўтиш ҳақида ўйламаслигини айтган.
