Августдан ичимлик суви нархи икки баравар ошади
Хусусан, Тошкент вилоятида 1 м³ ичимлик суви нархи 950 сўмдан 1 700 сўмга, бюджет ташкилотлари учун 4 000 сўмдан 7 000 сўмга оширилмоқда.
Жорий йил август ойидан бошлаб ҳудудларда ичимлик суви ва оқова сув нархларини ошириш бошланди. Бу бўйича халқ депутатлари вилоятлар кенгашларининг қарорлари қабул қилинмоқда.
Халқ депутатлари Тошкент вилояти кенгашининг 25 июлдаги қарорига кўра, 1 м³ ичимлик суви нархи 950 сўмдан 1 700 сўмга, бюджет ташкилотлари учун 4 000 сўмдан 7 000 сўмга оширилиши кўрсатилган. Янгиланган тарифлар 20 августдан кучга кириши белгиланган.
Сурхондарё вилоятида 1 м³ ичимлик суви нархи оддий аҳоли учун 1 150 сўмдан 2 140 сўмга, Қашқадарё вилоятида эса 1 августдан бошлаб, 1 000 сўмдан 2 000 сўмга, бюджет ташкилотлари учун 3 800 сўмдан 4 000 сўмга оширилмоқда.
