«Ливерпул» сардори «Ал Иттифоқ» клубига ўтиш арафасида
Футболчи билан уч йиллик шартнома имзоланган.
«Ливерпул»нинг англиялик ярим ҳимоячиси Жордан Ҳендерсон Саудиянинг «Ал-Иттифоқ» клубига ўтишга яқин турибди. Бу ҳақда инсайдер Фабрицио Романо хабар қилди.
Манбанинг хабарига кўра, 26 июл куни эрталабдан бошлаб клублар ўртасидаги келишув амалда якунланган. Ҳендерсон тез орада «Ал Иттифоқ»га ўтади. Эслатиб ўтамиз, аввалроқ саудияликлар «мерсисайдликлар» билан 33 ёшли ярим ҳимоячини 14 миллион еврога сотиб олиш борасида келишиб олгани ҳақида хабар берилганди. Ҳендерсон «Ал-Иттифоқ» билан 3 йиллик шартнома имзолаган.
