0
«Фенербахчедан ҳам қизиқиш бор эди, лекин у буни истамади»
«Пахтакор» бош директори Аббосбек Файзуллаевнинг «ССКA»га трансфери эртага маълум бўлишини айтди.
«Пахтакор» бош директори Аббосбек Файзуллаевнинг «ССКА»га ўтиш эҳтимолига баҳо берди. Хабар қилинишича, Россия жамоаси 19 ёшли вингер учун 500 минг евро тўламоқчи.
«Якуний босқичда музокаралар олиб борилмоқда. Ҳаммаси эртага маълум бўлади. Лекин биз уни қўйиб юбормоқчи эмасмиз, лекин Файзуллаев кетишни хоҳламоқда. Агар ўйинчи шуни истаса биз сақлаб қололмаймиз. У жамоа ва терма жамоанинг асосий футболчиси. Файзуллаев ёш, майдонни яхши кўра олади, истиқболи порлоқ футболчи. «Фенербахче»дан қизиқиш бор эди, лекин футболчи буни истамади. Шунинг учун таклиф кўриб чиқилмади», - деди Дмитрий Адисман.
