0
Азар фаолиятини якунлаши мумкин
У ўзига янги жамоа тополмаяпти.
Эден Азар фаолиятини 32 ёшида якунлаши мумкин. Бу ҳақда «АS» нашри хабар берди. «Реал» билан шартномаси тугаганидан кейин ҳам Азар ўзига янги клуб топа олмади. Белгиялик футболчи «Интер Маями» ва «Моленбек» клубларининг таклифларини рад этди. Азар 30 июндан бери эркин агент ҳисобланади.
Қайд этилишича, Азарнинг янги клуб топишдаги қийинчиликлари «Реал»да ўйнаган вақтида кўп сонли жароҳатлар олгани ва ўйин амалиётининг камлиги билан боғлиқ. Қолаверса, футболчи ва унинг оиласи Испанияда ўзларини қулай ҳис қилмоқдалар ва Мадридда қолишни исташмоқда, бу эса белгиялик футболчини фаолиятини якунлашга мажбур қилиши мумкин.
