Дембеле кетса Кансело олиб келинади
«Барса» ўнг қанот ҳимоячиси изламоқда.
«Барселона» ўтган мавсумнинг иккинчи ярмини «Бавария»да ижара асосида ўтказган «Манчестер Сити» ҳимоячиси Жоау Канселони ўз сафига қўшиб олмоқчи.
Каталонияликлар Усмон Дембелени «ПСЖ»га сотишдан тушган маблағнинг бир қисмини 29 ёшли португалиялик футболчининг трансфери учун сарфлашни режалаштирмоқда. Бу ҳақда инсайдер Фабрицио Романо маълум қилди. Агар Канселонинг трансфери ҳам амалга ошмаса, «Барселона» яна бир ўнг қанот ҳимоячиси, «Валядолид»дан Иван Фреснеда билан шартнома имзолашга ҳаракат қилади.
