Расул Кушербаев ЎзЛиДеП сафидан чиқишга қарор қилди
Собиқ депутат ўз ихтиёри билан ушбу қарорни қабул қилганини таъкидлаган.
Экология, атроф-муҳитни муҳофаза қилиш ва иқлим ўзгариши вазирининг маслаҳатчиси бўлиб ишлаётган Олий Мажлис Қонунчилик палатаси собиқ депутати Расул Кушербаев ЎзЛиДеП аъзолари сафидан чиқишга қарор қилди. Бу ҳақда у ижтимоий тармоқдаги саҳифасида маълум қилди.
Собиқ депутат ЎзЛиДеП аъзолари сафидан чиқишни сўраб Ўзбекистон Либерал-демократик партияси сиёсий кенгаши ижроия қўмитаси раиси Актам Хаитов номига ёзган аризасини ўзининг Telegram-каналига жойлаштирган.
«Партиядан чиқишим унинг аъзолари сафидаги, ишидаги қадрдон ака-ука, опа-сингилларимиз билан бўлган муносабатларга таъсир қилмайди, деб ўйлайман. Партиянинг менга берган имкониятлари, ўргатганлари учун бир умр миннатдорман!», — дейди у.
Кушербаевнинг қўшимча қилишича, партия аъзолигидан чиқишни анча вақтдан бери режалаштириб юрган.
