Италия клуби Отабек Шукуровга қизиқиш билдиряпти
Футболчи айни вақтда Туркия чемпионатида тўп сурмоқда.
Италиянинг «Женоа» клуби Ўзбекистон миллий терма жамоаси етакчиси Отабек Шукуровни ўз сафига қўшиб олмоқчи. Бу ҳақда «Спорт Италиа» нашри хабар берди.
А Серияга қайтган генуяликлар таркибни кучайтириш мақсадида ярим ҳимоячимизни қўлга киритишни режалаштирмоқда. Ушбу клубга айни дамда Алберто Жилардино бош мураббийлик қилади.
Эслатиб ўтамиз, Шукуров 2022 йилнинг 27 июлидан бери Туркия Суперлигасининг «Фотиҳ Карагюмрюк» жамоаси шарафини ҳимоя қилиб келмоқда. Ўтган мавсум футболчимиз турк чемпионатининг 28 ўйинида биттадан гол ва голли узатмани амалга оширган.
