0
Туркманистоннинг Ўзбекистондаги янги элчиси тайинланди
Туркманистон Президенти Сердар Бердимуҳамедов тегишли фармонни имзолади.
Мередов Шадурди Туркманистоннинг Ўзбекистондаги янги элчиси этиб тайинланди. Туркманистон президенти Сердар Бердимуҳамедов тегишли фармонга имзо чекди.
“Мередов Шадурди Овезнепесович Туркманистоннинг Ўзбекистон Республикасидаги (Тошкент шаҳри) Фавқулодда ва Мухтор элчиси этиб тайинлансин”, - дейилган ҳужжатда.
Мередев бунга қадар мамлакатнинг Қирғизистондаги элчиси лавозимида ишлаб келган.
Эслатиб ўтамиз, аввалроқ Туркманистоннинг Ўзбекистондаги элчиси Язгули Маммедов бошқа ишга ўтганлиги сабабли лавозимидан озод этилганди.
