«Ювентус» ва «Челси» муҳим трансферни муҳокама қилишди
Жамоалар футболчи алмашишмоқчи.
«Челси» ва «Ювентус» раҳбарлари ҳужумчилар Ромелу Лукаку ва Душан Влаҳовичларни ўзаро алмашиш бўйича келишувга эришди. Бу ҳақда «Скй Спорт» нашри хабар берди.
Манба берган хабарга кўра, клублар ҳозирда футболчиларнинг ёши ва нархидаги фарқ туфайли трансфер шартларини муҳокама қилмоқда. 2022/2023 йилги мавсумда Лукаку «Интер» сафида ижара асосида ўйнаган. Белгиялик футболчи «нерадзурри» сафида барча мусобақаларда 37 та ўйинда майдонга тушиб, 14 та гол урган ва 7 та голли узатмага муаллифлик қилган. Футболчининг «Челси» билан шартномаси 2026 йилнинг июн ойи охиригача амал қилади. Трансфермаркт интернет порталига кўра, футболчининг тахминий нархи 40 миллион еврони ташкил қилади. Влаҳович «Ювентус»га 2022-йилнинг январида «Фиорентина»дан ўтган эди. Ўтган мавсумда сербиялик футболчи «зебралар» сафида барча мусобақаларда 42 та ўйин ўтказиб, 14 та гол урди ва 4 та голли узатмани амалга оширган. Футболчининг Турин клуби билан шартномаси 2026 йилнинг июн ойи охиригача амал қилади. Трансфермаркт интернет порталига кўра, футболчининг тахминий нархи 70 миллион еврони ташкил қилади.
