Клопп нимадан хавотирда?
У FIFА Саудия Арабистони трансфер ойнасига эътибор бериши кераклигини айтди.
«Ливерпул» бош мураббийи Юрген Клопп Европанинг топ-5 лигасида 1-сентябрда ва Саудия Арабистонида 20-сентябрда трансфер ойнаси ёпилишидаги хавотирини билдирди.
«Энг ёмони, Саудия Арабистонида трансфер ойнаси яна уч ҳафта очиқ бўлади. Бу Европа учун муаммо. UEFА ва FIFА ечим топиши керак», - деди Клопп.
Эслатиб ўтамиз, «Ливерпул» 13 август куни «Челси»га қарши АПЛнинг 2023/2024 йилги мавсумини бошлайди. Учрашув «Стемфорд Бридж» стадионида (Лондон, Англия) бўлиб ўтади. Юрген Клопп шогирдлари 67 очко билан сўнгги мавсумда бешинчи ўринни эгаллади.
