0
29 ёшли футболчини тимсоҳ еб қўйди
Полиция марҳумнинг жасадини олиш учун тимсоҳни отган.
«Депортиво Рио Каняс» ҳаваскорлар жамоаси футболчиси Хесус Алберто Лопес Ортис вафот этди. 29 ёшли эркак тимсоҳ қурбонига айланди, деб хабар берди «The Sun». Фожиа Гуанакасте провинсиясидаги Каняс дарёсида содир бўлган, тафсилотлар ҳақида хабар берилмаган. Нашрнинг ёзишича, полиция марҳумнинг жасадини олиш учун тимсоҳни отган.
«Депортиво Рио Каняс» матбуот хизмати футболчи чоршанба куни дафн этилгани ҳақида хабар берди.
«Бугун барчамиз учун жуда оғир кун. Сени мураббий, футболчи ва ота сифатида ҳам эслаб қоламиз. Сен доимо қалбимизда яшайсан», – дейилади жамоа ижтимоий тармоқларда эълон қилган хабарда. Марҳум футболчининг икки фарзанди бор эди.
