«ПСЖ» дарвозабони Рико операция қилинди
Илгари у отдан йиқилиб, 19 кун комада ётганди.
«ПСЖ» дарвозабони Серхио Рико бахтсиз ҳодиса натижасида миясида пайдо бўлган аневризмани даволаш учун операция қилинди. Бу ҳақда «Телеcинcо» нашри хабар берди. Хабар қилинишича, уни касалхонага ётқизиш вақтида Севилядаги шифохонанинг реанимация шифокорлари Серхио Рикода мия аневризмаси борлигини аниқлашган ва унинг хавфлилиги туфайли операция қилишга қарор қилишган. Операция муваффақиятли ўтди ва тахминан бир соат давом этди. Шифокорларнинг сўзларига кўра, ҳаммаси яхши, футболчи аллақачон ўз палатасида дам олмоқда.
Аввалроқ Рико отдан йиқилиб, бошидан жароҳат олгани хабар қилинганди. У Севилядаги касалхонага ётқизилган ва у ерда мияга қон қуйилиши ташхиси қўйилган. Дарвозабон 19 кунни комада ўтказди ва 20 килограммдан ортиқ вазн йўқотди.
