Коса тагида нимкоса
«ПСЖ» Неймарга боғлиқ битта режа ишлаб чиқди.
«ПСЖ»нинг бразилиялик ҳужумчиси Неймар Франсия клубини тарк этиши мумкин. «Спорт» нашри хабарига кўра, парижликлар раҳбарияти «Барселона»га Неймарни мавсум давомида ижарага олишни таклиф қилган. «ПСЖ» бу таклифни қанот ярим ҳимоячиси Усмон Дембеленинг бўлажак трансфери бўйича келишувнинг бир қисми сифатида кўриб чиқмоқда.
Эслатиб ўтамиз, 31 ёшли Неймар 2013 йилдан 2017 йилгача «Барселона»да ўйнаган. Унинг «ПСЖ»га ўтиши футбол тарихидаги энг қиммат трансфер бўлиб қолмоқда. Париж клуби бразилиялик ҳужумчи учун 222 миллион евро тўлаган. Неймарнинг «ПСЖ» билан шартномаси 2025-йилнинг июнигача амал қилади. Трансфермаркт уни 60 миллион еврога баҳолаган.
