0
Тошкент метросида йигит поезд йўлига сакради
Маълум бўлишича, у бош кийимини олиш учун шундай қилган.
Ижтимоий тармоқларда Тошкент метрополитенининг «Дўстлик–2» бекатида йигит поезд йўлига тушгани акс этган видео тарқалди.
Расмий хабарга кўра, фуқаро A.M. метро йўлига тушиб қолган бош кийимни олиш мақсадида ўзбошимчалик билан поезд йўлига сакраган.
Метрополитен ва ички ишлар органи ходимлари томонидан кўрилган тезкор чора-тадбирлар орқали йўловчи зудлик билан хавфсиз тарзда платформага чиқарилган. Фуқаро A.M.гa нисбатан “Метрополитендан фойдаланиш тартиб-қоидалари”га амал қилмагани сабабли баённома расмийлаштирилди.
“Метро йўлида инсон ҳаёти учун хавфли ҳисобланувчи юқори кучланишли электр токи мавжудлигини эслатиб ўтамиз”, — дейилади хабарда.
