0
Мбаппе яқин соатларда «Реал»га ўтади
Футболчи узоқ муддатли шартнома имзоламоқчи.
Франциянинг «ПСЖ» клуби «Реал» билан ҳужумчи Килиан Мбаппенинг трансфери борасида келишиб олди. Бу ҳақда «Goal.com» нашри хабар берди. Манбанинг ёзишича, Франция терма жамоаси юлдузи испан гранди билан шартнома имзолашга яқин турибди. Парижликлар раҳбарияти келаси ёзда футболчини текинга йўқотиб қўймаслик учун трансфер борасида келишиб олиш учун ён беришга мажбур бўлди.
Килиан Мбаппе «Реал» билан узоқ муддатли шартнома имзоламоқчи. Бундан ташқари, футболчи Мадрид клубидаги дебютини 12 август куни Испания Ла Лигасининг 1-тури доирасидаги «Атлетико Билбао»га қарши ўйинда ўтказиши мумкин.
