Тошкентда 51 минг доллар эвазига АҚШга ишга юбормоқчи бўлган шахслар ушланди
Гумонланувчилар фуқарони Туркия орқали АҚШга юбормоқчи бўлишган.
Тошкентда АҚШга ишга юбориш эвазига 51 минг доллар олган шахслар ушланди, дея хабар бермоқда Бош прокуратураси ҳузуридаги Иқтисодий жиноятларга қарши курашиш департаменти.
Маълум қилинишича, икки нафар фуқаро бошқа бир фуқарога танишлари ёрдамида хорижга чиқиш виза ҳужжатларини расмийлаштириб бериши ҳамда уни Туркия давлати орқали Америка Қўшма Штатларига ишга юбориш эвазига 51 минг АҚШ долларини олган вақтларида ушланган.
Ҳозирда мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
