«Интер Маями» Месси сабаб дарвозабонини ҳайдаб юборди
У аргентиналик футболчининг жамоага келишига шубҳа билдирган.
«Интер Маями» клуби раҳбарияти Лионел Мессининг жамоага келишига шубҳа билдирган дарвозабон Ник Марсманга чиқиш эшикларини кўрсатиб қўйди. Бу ҳақда «Daily Mail» нашри хабар берди.
Манбага кўра, клуб 32 ёшли футболчи билан келишувни бир томонлама бекор қилди ва унга компенсация тўлайдиган бўлди. МLS қоидасига биноан, клубларга бир йилда фақат бир марта ўйинчилар билан шартномани бекор қилишга рухсат этилади. Июн ойида нидерландиялик дарвозабон «Интер Маями» Лионел Месси даражасидаги юлдуз трансферини амалга оширишга тайёр эмаслигини иддао қилганди.
«Клуб Мессининг келишига тайёр эмас, деб ҳисоблайман. Чунки стадионимиз вақтинчалик, одамлар майдонга кириб келаверади. Биз қўриқчиларсиз юрамиз. Ўйлашимча, ҳали жамоа катта трансферга тайёр эмас. Лекин Мессининг келишидан умидворман», - деган эди Марсман.
