Қашқадарёда чойхона ёниб кетди
Ҳолат бўйича ФВБ маълумот берди.
Кеча, 13 август куни Қашқадарё вилояти Кўкдала туманидаги чойхоналардан бирида ёнғин содир бўлди. Бу ҳақда вилоят Фавқулодда вазиятлар бошқармаси хабар берди.
Қайд этилишича, соат 21:22 ларда Кўкдала тумани ФВБ диспетчерлик хизматига «Хўжаобод» МФЙ Хўжаобод қишлоғи ҳудудида жойлашган янги қуриб битказилган чойхонада ёнғин содир бўлаётгани тўғрисида хабар келиб тушган.
Хабарга кўра, ёнғинга 2 та ёнғин-қутқарув экипажи жалб қилиниб, соат тахминан 21:25 ларда воқеа жойига етиб борган ва соат тахминан 22:30 ларда тўлиқ ўчирилган.
Ёнғин оқибатида тан жароҳати олганлар ва ҳалок бўлганлар йўқ. Тадбиркор С.T.гa қарашли чойхонанинг 260 метр квадрат майдонда ички ва том қисми ёниб зарарланган. Ҳозирда суриштирув ишлари олиб борилмоқда.
