Дам олиш кунлари қуруқ ва ўртача иссиқ об-ҳаво бўлиши кутилмоқда
«Ўзгидромет» ҳафта охирида кутилаётган об-ҳаво маълумотларини эълон қилди.
«Ўзгидромет» маълумотларига кўра, бугун ва дам олиш кунлари Ўзбекистон ҳудуди бўйича қуруқ ва кам булутли об-ҳаво сақланиб туради. Ҳаво ҳарорати яна 1-2 даражага кўтарилади ва кечалари 18-20 даража, кундуз кунлари эса 35-37 даража атрофида, шимолда, жанубда ва чўл ҳудудларда 38-39 даражагача бўлади.
«Бундай ҳарорат август ойи ўртаси учун бўлган меъёрий қийматларга яқин ва энг иссиқ йилларда август ойида Ўзбекистон ҳудуди бўйича кузатилган ҳароратдан нисбатан пастдир», — дейилади хабарда.
Қайд этилишича, 20 август куни шимолда ва чўл ҳудудларда баъзи жойларда шамол тезлиги 15-20 метр/секундгача кучайиши, айрим жойларда чанг-тўзон билан кузатилиши мумкин.
