Ўзбекистонда дронлар ва самолётларнинг ҳаво ҳудудидан биргаликда фойдаланиш масалалари кўриб чиқилди
Ўзбекистондаги аэродромларнинг учиш ва қўниш зонасида ҳаво ҳаракатини ташкил этиш ва учувчисиз учиш аппаратларидан фойдаланишни таъминлаш масалалари муҳокама қилинди.
«Ўзаэронавигация» маркази ДУКда 16 август куни Ўзбекистондаги аэродромларнинг учиш ва қўниш зонасида ҳаво ҳаракатини ташкил этиш хизмати ва учувчисиз учиш аппаратларидан фойдаланишни таъминлаш тартибига бағишланган йиғилиш бўлиб ўтди.
Транспорт вазирлиги маълумотларига кўра, учрашув давомида учувчисиз учиш аппаратлари ва фуқаро авиацияси ҳаво кемаларининг ҳаво ҳудудидан биргаликда фойдаланиш масалалари кўриб чиқилди.
Шунингдек, учрашувда Ўзбекистонда учувчисиз учиш тизимлари соҳасини янада ривожлантириш, парвозлар хавфсизлигини таъминлаш учун учувчисиз учиш аппаратлари жойлашувини аниқлаш масалалари ва учувчисиз учиш тизимларидан ноқонуний фойдаланишга қарши курашиш чора-тадбирлари каби масалалар муҳокама этилди.
