0
Мен Твер вилоятидаги ҳалокатдан ҳайрон қолмадим–Байден
АҚШ президенти Пригожиннинг ўлими ортида Путин турган бўлиши мумкинлигини тахмин қилди.
Оқ уй раҳбари Жо Байден Твер вилоятида «Вагнер» раҳбари Евгений Пригожин бўлган самолёт ҳалокатга учраганидан ҳайрон бўлмаганини айтди. Байден ушбу авиаҳалокат ортида Владимир Путин туриши мумкинлигини тахмин қилди.
“Пригожин муваффақиятсиз исёндан кейин хавфсизлиги ҳақида қайғуриши кераклигини айтган эдим”, деди Байден июль ойида қилган баёнотига ишора қилиб.
Эслатиб ўтамиз, аввалроқ Пригожин самолёти Россиянинг Твер вилоятида қулагани маълум бўлган эди. Федерал ҳаво транспорти агентлиги маълумотларига кўра, Эмбраэр бортида 10 киши бўлган: етти нафар йўловчи ва уч нафар экипаж аъзоси. «Вагнер» раҳбари ҳам йўловчилар қаторига киритилган.
