Мирзиёев украиналик 1-синф ўқувчиларига совға юборди
Бу ҳақда Украинанинг Тошкентдаги элчиси маълум қилди.
Ўзбекистон украиналик болаларга инсонпарварлик ёрдамини юборди
Ўзбекистон жамоат ташкилотлари ва ишбилармонлар номидан украиналик болаларга инсонпарварлик ёрдами етказилди. Бу ҳақда Украинанинг Тошкентдаги элчиси Николай Дорошенко маълум қилди.
Қайд этилишича, ушбу ёрдам пакетидан эркаклар, аёллар ва болалар учун футболкалар, шунингдек, 2000 та биринчи синф тўплами ўрин олган. Тўпламдан мактаб сумкаси, дафтар, расм дафтари, рангли қоғоз, пластилин тўплами, ручка, елим, қалам, рангли қалам, акварел ва қалам қутиси киритилган.
Гуманитар юкни Украина — Ўзбекистон дўстлиги халқаро жамияти раҳбари Любомир Башинский қабул қилиб олган.
Биринчи синф ўқувчилари учун тўпламлар Закарпат вилояти маъмуриятининг кўчирилганлар марказига топширилган. Улар Харков, Херсон, Николаев ва Запороже вилоятларидан етимлар ва кўчирилганларнинг болаларига топширилади.
