Мексика наркобарон Эл Чапонинг ўғлини АҚШга экстрадиция қилди
Овидио Гузман январь ойида қўлга олинганди.
Мексика ҳукумати қамоқдаги наркобарон Хоакин Гузманнинг ўғли, Эл Чапо номи билан танилган Овидио Гузманни АҚШ ҳуқуқ-тартибот идораларига расман экстрадиция қилди.
АҚШ Бош прокурори Мерик Гарланднинг айтишича, кичик Гузманнинг экстрадиция қилиниши Американинг узоқ вақтдан бери Гузманлар оиласи билан боғлиқ бўлган Синалоа картелининг наркотик моддалар контрабандаси операцияларининг “ҳар бир жиҳатини бостиришга қаратилган саъй-ҳаракатларидаги сўнгги қадамдир.
Хабарингиз бор, шу йилнинг январь ойида Мексика хавфсизлик кучлари Овидио Гузманни шимолий Синалоа штатида юз берган отишмадан сўнг ҳибсга олди. Қўлга олиш ўнлаб одамларнинг ўлимига сабаб бўлган зўравонлик тўлқинини келтириб чиқарди.
Синалоа наркокартелининг раҳбари бўлган Эл Чапонинг ўзи 2017 йилда АҚШга экстрадиция қилинган эди. У Колорадода жойлашган энг юқори даражадаги Супермах қамоқхонасида умрбод қамоқ жазосини ўтамоқда.
