Колумбияда футбол клуби президенти отиб ўлдирилди
Ҳужум унинг жамоаси мағлуб бўлганидан кейин содир этилган.
Футбол бўйича Колумбия чемпионати иккинчи дивизионининг 13-туридан ўрин олган «Тигрес» клуби президенти Эдгар Паэс отиб ўлдирилди.
Аниқлик киритилишича, жиноятчилар «Tigres»нинг “Атлетико де Кали”га қарши 2:3 ҳисобида якунланган мағлубиятидан сўнг Паэс машинасида уйига қайтаётганда ўт очишган.
Полиция маълумотларига кўра, ҳужум “Metropolitano de Techo” стадиони яқинида содир этилган. 63 ёшли функционер билан машинада қизи ҳам бўлгани тасдиқланди. Унинг аҳволи ҳақида маълумот берилмаган. Воқеа кузатув камераларига тушиб қолган.
