Францияда бомба таҳдиди туфайли саккизта аэропорт эвакуация қилинди

 

Франциядаги саккизта аэропорт чоршанба куни бомба таҳдиди туфайли хавфсизлик нуқтаи назаридан эвакуация қилинишига мажбур бўлди.

 

Париж яқинидаги Бове аэропорти Франциянинг бир қанча аэропортларида аноним таҳдид келиб тушганидан кейин эвакуация қилинганини айтди. Кейинроқ аэропорт қайта очилиш жараёнида экани маълум қилинди.

 

Франция шарқидаги Страсбург аэропорти, бомба таҳдиди туфайли бир бино ҳам эвакуация қилинганини билдирди.

 

Франция ғарбидаги Нант аэропорти ҳам худди шу сабаб билан эвакуация қилинган.

 

Жануби-ғарбдаги Биарриц ва Тулуза, шимолдаги Лилл ва жануби-шарқдаги Лион-Брон аэропортлари полиция текширувидан сўнг ҳаво парвозлари қайта бошланишини айтди.

 

Чоршанба куни эрталаб бомба таҳдиди туфайли тўртта аэропорт эвакуация қилинган.

 

Франциянинг жанубидаги Ница аэропорти олдин қолдирилган шубҳали нарса туфайли эвакуация қилинганидан сўнг ўз фаолиятини қайта бошлади.

 

Париж яқинидаги Версал саройи бир ҳафтадан камроқ вақт ичида учинчи марта хавфсизлик нуқтаи назаридан ташриф буюрувчиларни эвакуация қилди. Чоршанба куни сарой ташриф буюрувчилар учун қайта очилди. Бино сешанба куни шубҳали объект ва ҳафта охирида бомба таҳдиди туфайли эвакуация қилинган.

 

Париждаги Лувр шанба куни хавфсизлик нуқтаи назаридан ёпилди, аммо эртаси куни қайта очилди.

 

Эслатиб ўтамиз, Францияда 13 октябрь куни Аррас шаҳридаги мактабда ўқитувчи Доминик Бернар ўлдирилганидан бери террорчилик таҳдидининг максимал даражаси амалда. Ўшандан бери Париждаги Лувр музейи ва ўқитувчи пичоқ билан ўлдирилган Аррас лицейида эвакуация эълон қилинди, аммо барча сигналлар ёлғон бўлиб чиқди. 

 

Францияда бутун мамлакат бўйлаб етти минггача аскар жойлаштирилган. Исроил ва ҲАМАС ўртасидаги уруш фонида хавфсизлик чоралари кучайтирилди.