Янгиланган ҳисобот: Исроил — Ғазо уруши оқибатида 20 дан ортиқ журналист ҳалок бўлди
Бу рақамлар якуний эмас. Чунки воқеа тафсилотларини ёритишга борган журналистлар орасида бедарак йўқолганлари ҳам бор.
Журналистларни ҳимоя қилиш қўмитаси халқаро ННТнинг маълум қилишича, Исроил — ҲАМАС урушида камида 21 нафар журналист ҳалок бўлди.
Шунингдек, яна 8 нафар журналист яраланган, 3 нафари бедарак йўқолган (ҳибсга олинган бўлиши ҳам мумкин).
“Ўлганларнинг 17 нафари фаластинлик, 3 нафари исроиллик ва 1 нафари ливанлик”, — дейилади ташкилот хабарида.
Таъкидланича, рақамлар якуний эмас ва оммавий ахборот воситалари ходимлари қурбонлари кўпроқ бўлиши мумкин.
Аввалроқ Фаластин Журналистлар уюшмаси 11 нафар ОАВ ходими ҳалок бўлгани ва 20 га яқин журналистнинг уйига ҳужум қилинганини айтганди.
