YUNESKO Ўзбекистон ташаббуси билан ишлаб чиқилган резолюцияни маъқуллади
Резолюцияда 2022 йил сентябрда Тошкент шаҳрида YUNESKO билан ҳамкорликда ўтказилган Халқаро ахборотдан эркин фойдаланиш кунига бағишланган конференциянинг аҳамияти юқори баҳоланган.
ЮНEСКО Ижроия кенгашининг 217-сессиясида Ўзбекистон ташаббуси асосида ишлаб чиқилган "Халқаро ахборотдан эркин фойдаланиш куни муносабати билан Тошкент декларацияси" резолюцияси бир овоздан маъқулланди.
Резолюцияда 2022 йил сентябрда Тошкент шаҳрида ЮНEСКО билан ҳамкорликда ўтказилган Халқаро ахборотдан эркин фойдаланиш кунига бағишланган конференциянинг аҳамияти юқори баҳоланган.
Мазкур резолюциянинг қабул қилиниши – Ўзбекистонда фуқароларнинг сўз эркинлиги ва ахборотдан фойдаланиш ҳуқуқларини таъминлаш бўйича ислоҳотлар жараёнида эришилган ютуқлар халқаро даражада эътироф этилаётганининг навбатдаги ифодасидир.
Ҳужжатни тайёрлашда ҳаммуаллиф сифатида иштирок этган барча ҳамкорларимизга миннатдорлик билдирамиз ва барча ҳамкасбларни ушбу муҳим воқеа билан табриклаймиз.
